Төркем күргәзмәсе · Катнашучы
Алия Гайнуллина
Рәссам турында
Мультидисциплинар рәссам, шагыйрә, перформер. Инсталляция, перформанс, театр һәм site-specific киселешендә эшли. Н. И. Фешин исемендәге Казан сәнгать училищесын (2005), Казан (Идел буе) федераль университетын (2012) тәмамлаган.
Дөньяда һәм тарихта хатын-кызның урынын, социаль хәтер проблемасын, югалып баручы мәгънәләрне эзләү һәм кире кайтаруны тикшерә. Шәхси һәм күмәкне тоташтырып, тән һәм шигъри методны куллана. А. Гайнуллина шулай ук Татарстанда үзенең театр эшләре буенча киң танылган — ул рәссам-куючы һәм костюмнар буенча рәссам буларак чыгыш ясый.
Күргәзмәдә
Телсез толым кыйссасы, 2026
Инсталляция, металл
Визуаль образ һәм шигъри текст киселешендәге җыйнак, әмма мәгънәгә бай сүз. Эш Миләүшә Гафурова шигыре белән илһамланган һәм аның матди гәүдәләнешенә әйләнә, шәхси кичерешләр белән байый. Металл «толымнар» — читләштерелгән тән образы: алар башка беркетелмәгән килеш, хуҗабикәсез асылып тора. Бу — кеше һәм аның мәдәни коды арасындагы ярылу метафорасы. Текст «телсезлек» халәтен — бабалар телендә сөйләшә алмауны һәм хәтта үзеңнең кем булуыңны аңламауны тасвирлый.
Башка катнашучылар
«Тәрҗемә грамматикасы» төркем күргәзмәсе — «Бер төлке дөньясы. Пышылдап сөйләнгән әкият» проектының бер өлеше. Проект турында. ЦУМ, Казан, 2–18 октябрь 2026.